“Bagong lider ating dapat iboto
Upang bayan natin ay umasenso
Huwag na tayong magpaloko
Sa mga kandidatong tunay na bobo”
maingay na sigaw ng mga taong nagpoprotesta
May rally na naman sa lugar ng Mendiola
Para sa mga estudyante, sa eleksyon huwag na magpabola
Nandito ang lahat ng mga miyembro ng anak-bayan
Upang ihayag ang kanilang saloobin at nararamdaman
Ang gobyerno’y karapat na rin daw palitan
Habang nagaganap ang mapayapang protesta
Nasa itaas naman ng entablado mga lider nagsasalita
Isa rito’y ang kilalang lider na si Satur Ocampo ng Bayan Muna
Sa kaniyang talumpati, mga tao’y nagsiwalaan bigla
Todong suporta mula sa lahat ay tunay na naipakita
Sanhi ng protesta, mga awtoridad o pulis nagsidatingan
Bigla silang lumapit sa entablado upang kausapin ang mga lider
Ngunit ang pagdating ng opisyal ng pulis wala man lang pumansin
Hindi natakot ang mga tao sa kanila o sa maari nilang gawin
Nagpatuloy lamang sa mga talumpating kanilang pinapakinggan
Pumorma ang mga pulis at gumawa ng harang sa harap
Upang buwagin ang patuloy na protestang nagaganap
Kahit anu mang oras ay magkakaroon na ng kaguluhan
Dumating din ang mga bumbero upang sila’y tulungan
protesta sa Mga rallyista tiyak nilang pipigilan
Sumugod ang mga pulis at bumbero sa mga rallyista
Ang sumunod na mga pangyayari ‘ di na maisip pa
Isang mapayapang protesta sa karahasan napunta
Sa tindi ng tensyong naganap maraming nasugatan
Malinaw sa Pilipinas ang demokrasya’y sawi na
Hanggang kailan pa ba natin itong papayagan?
Oras na para ang lahat ay maging matatag at lumaban
No comments:
Post a Comment